Kwee Thiam Tjing: Perbedaan antara revisi

Tadi pagi Landraad di kepalai oleh Mr. Wienecke sebagi voorzitter, preksa
perkara’nja toean Kwee Thiam Tjing jang minggoe laloe dimoendoerken lantaran ia
poenja pembela Mr. Jaarsma sakit.

Delict pertama, jang ditoentoet, adalah commentaar, jang toean Kwee Thiam Tjing
boeboehi atas satoe toelisan dalem Ind. Crnt. W.J.E, tentang toekang mindring,
dimoeat dalem Soeara Publiek 19 September 1925.

Commentaar itoe berboenji begini:

'''''„Kita moefakat, djika ada seorang Arab, Tionghoa, Blanda atawa
Boemipoetra, jang lepas oewang panas, berlakoe begitoe koerang adjar boeat,
oepama, masoek dalem kamar tidoer boeat tjari apa² jang mereka rasa ada
berharga boeat di djadiken pentjitjilan dari pindjeman, itoe orang jang
sematjem begitoe tida oesah goenaken banjak omong, hanja lebih doeloe kemplang
sadja kepalanja, lebih keras lebih baek.

Perkara oetang tinggal oetang, tapi djika lantaran satoe pindjeman lantas si
pioetang kira, bahwa ia djoega boleh pindjem orang poenja antero milik, ini
kira’an moesti lantas dikasih laloe dengen djalan palang pintoe naek di kepala.
Perkara tinggal belakangan.”'''''