Pembicaraan Pengguna:Nein/20-8: Perbedaan antara revisi
Konten dihapus Konten ditambahkan
k {{tanpattd|tjamboek berdoeri}} |
→Terima kasih: kirim lagi ini bagoes Nein belon ada jang poenja |
||
Baris 37:
[[Image:Satay.jpg|200px|thumb|Sate spesial.]]
Terima kasih Nein. Untuk merayakannya, saya sengaja memanggang sate khusus untuk Anda, silahkan dinikmati :-D --<b>(^_^)</b><font color ="black">'''[[pengguna:BlackKnight|BlackKnight]]'''</font> <sup><b>(</b><font color = "black">[[User_talk:BlackKnight|kirim pesan]]</font><b>)</b></sup> 12:20, 27 Mei 2007 (UTC)
Toelisan Nein lebih berbobot saja ada satoe toelisan bagoes tapi tida taoe ini moesti di taroh di sebelah mana
Pemoedjaan Hio-Hwee. (Aboe leloehoer)
Pada riboean taon jang laloe sebelon ada itoengan Masehi, ja, pada sebelon'nja bangsa Barat berpakean seperti sekarang dan mempoenjai gedong² jang indah, Bangsa Tionghoa soedah mengerti sopan santoen dan tjara bagimana menghormat orang toea, malah penghormatan atawa kebaktian itoe tida meloeloe di toedjoeken pada masa si orang toean masih hidoep. Orang jang soedah berpoelang ke alam aloes dipandang masih idoep roh'nja dan roh'nja orang mati ini jang mendjadi pemoedjaan bangsa Tionghoa.
Sanget boleh djadi zaman poerbakala, di Tiongkok orang mati itoe di bakar dan aboe'nja di simpen baek² dalem seboeah tempat jang di namaken Hio-Low seperti gambar omslag dari „Bok Tok” nommer ini dan pemoedjaan aboe-leloehoer itoe dinamaken pemoedjaan Hio-Hwee.
Sampe sekarang, maskipoen djinasah dikoeboer, orang masih pelihara Hio-low, dalem mana ada tersimpen aboe dari alat persembahan jang di bakar di koeboeran.
Hio-low (tempat aboe leloehoer) itoe dapet tempat istimewa dalem roemah tangga koeno, di taroh diatas medja dan di bikin tinggi kaki'nja, medja mana biasa'nja di taroh dalem roewangan pertengahan. Medja ini sebener'nja bersoesoen tiga; doea medja ketjilan sama tinggi'nja (lebar 60cm, pandjang 115cm, dan kira² tinggi'nja 90cm) sementara hio-low itoe ditaroh diatas medja besar, dimana satoe standaard ketjil, inilah jang di seboet Sam-kay (tiga soesoen) symbool dari doenia kasar, langit dan doenia aloes tempat'nja roh soetji.
Sesoeatoe Hio-low ada mempoenjai doea gagang jang mengoendjoek keatas; doea gagang ini ada sembojan „kematian” dan mengoendjoek keatas maoe di artiken roh manoesia naek keatas.
Di sebelah Hio-low biasa'nja orang pasang pelita jang moesti teroes meneroes menjala. Doeloe orang pake minjak katjang dengen soemboe'nja dari lawee dan api'nja pelita ini didjaga ati² sebage pelambang dari Yang (tjahja jang kekel abadi) atawa pokok penghidoepan, sedeng Hio-low dianggep sembojan dari Im (tida kekel).
Dengen laen perkata’an dimaksoedken Hio-low mengoendjoek segala apa di doenia tida kekel, jalah habis'nja segala djenis mendjadi aboe, tetapi disamping tiada kekelan ada apa² jang bersifat kekel, jalah api atawa Noer tjahja.
Maka tiap² orang Tionghoa jang bersoedjoet di hadepan Hio-low itoe agak'nja di pringetin, bahwa manoesia poenja hidoep dialam doenia tida kekel dan maskipoen raga'nja soedah mendjadi aboe, tetapi roh'nja masih tetep hidoep.
Tiap² boelan Imlik, orang Tionghoa bikin oepatjara sembajangan doea kali dihadepan Hio-low itoe, jaitoe tanggal 1 (tjee-it) dan tanggal 15 (tjap-gouw). Sebage sadjen di medja sembajang tertampak beberapa tjangkir ketjil isi aer teh, boeah²an jang keloear pada moesim itoe, koewee², manisan dan doea lampoe ketjil di kanan-kiri Hio-low, djadi sama pelita djadi ada 3 penerangan. Ketiga penerangan ini memperoempamaken Thian (langit), Tee (boemi) dan Djin (manoesia).
Moela² ada langit, kamoedian tertjipta boemi dan baroe belakangan manoesia.
Dalem kepertjajaan Hindoe ini di seboet Trimoerti dan dalem kepertjajaan Kristen Bapa, Poetra dan Roh soetji.
Pada waktoe diadaken persembajangan besar, seperti pada perajaan Tjhing Bing, Tjio-Ko dan Sin Tjhia (Taon Baroe) tiga penerangan ini di tambah lagi dengen doea lilin, djadi sekarang ada 5 penerangan atawa Ngo Sing dan ini 5 pokok ada 5 element (anasir) jang penting dan di oempamaken 5 bahan, misal'nja:
Kiem (emas);
Bok (kajoe);
Soei (aer);
Hwee (api);
Tow (tanah).
Lima pokok ini jang mendjadiken segala djenis di doenia.
Dalem pengetahoean modern Kiem itoe boleh di kataken barang anorganisch, mineralen seperti besi, emas, perak, timah dsb.
Bok barang organisch jang berasal dari pepohonan. Soei jaitoe mildden-stof atawa barang tjair dan dengen tida ada barang tjair, pasti segala machloek tida bisa hidoep, kerna semoea aken kering dan mati. Hwee adalah energie atawa tenaga, hawa anget, api dan sebage'nja jang senantiasa membri tenaga pada manoesia dan laen-laen machloek aken mengerdjaken ini dan itoe.
Poesat dari tenaga ini adalah pada Matahari. Tow adalah tanah atawa asal dari segala apa. Semoea poelang ke tanah, dari jang paling haloes sampe paling kasar.
Badan manoesia ini mengandoeng 5 pokok anasir dan 75% dari barang tjair.
Djikalaoe orang mengerti semoea ini, sebener'nja tiap² roemah tangga Tionghoa soedah meroepaken gredja atawa klenteng ketjil, dimana orang Tionghoa dapet mendjalanken kepertjajaan'nja dengen soenggoeh hati.
Barang² sadjen jang di sediaken pada tiap² sembajang itoe hanja sekedar pringetan pada jang mati poenja kesoekaan di waktoe masih hidoep, djadi tida boleh di artiken dengen tentoe² makanan itoe nanti dimakan oleh roh² jang sedeng di sembajangin.
Tiap² roh jang soedah tida mempoenjai badan kasar, sebener'nja tida bisa makan atawa itjipin itoe segala koewee² dan laen² makanan, tapi roh itoe moengkin merasa minat dari orang hidoep jang menjadjiken segala makanan itoe.
Orang Barat jang koerang koeas pemandengan'nja mengataken pemoedjaan Hio-Hwee itoe ada kepertjajaan tachajoel, sebener'nja meleset djaoeh sekali, kaloe orang ingat jang oepatjara sembajangan ini saben² memperingetken anak tjoetjoe boeat selaloe manaroh endah pada orang toea atawa leloehoer'nja jang soedah lama meninggal doenia.
Sajang dengen menioep'nja angin Barat, jang santer, banjak kasopanan Tionghoa djadi toeroet terbang dan segala apa di tjap „tachajoel” dengen hampir tiada ada orang jang hendak tjapeken sedikit otak'nja aken menjelidiki poesaka Tionghoa jang berharga mahal itoe.
Hoedjin Tjamboek Berdoeri .
poen dari minggoean Bok Tok
==Kue Keranjang==
| |||