Soedarpo Sastrosatomo

Soedarpo Sastrosatomo
Soedarpo Sastrosatomo
	Berkas:Sudarpo.jpg
Informasi pribadi
Lahir	30 Juni 1920; Pangkalan Susu, Langkat, Sumatera Utara
Meninggal	22 Oktober 2007 (umur 87); Jakarta, Indonesia
Suami/istri	Minarsih Wiranatakusumah
	Sunting kotak info • L • B

Soedarpo Sastrosatomo (lahir Pangkalan Susu, Langkat, Sumatera Utara,^[1]30 Juni 1920 — tilar donya Jakarta, 22 Oktober 2007) yaiku juru runding, nasionalis, lan pengusaha kang akeh perane sajroning mbantu perjuangan diplomasi Indonesia ing mangsa-mangsa wiwitan kemerdekaan.

Dheweke uga anggota perunding Indonesia sajroning Perundingan Linggarjati, banjur dadi anggota perwakilan RI ing PBB taun 1948 tekan 1950. Sawise dadi pegawai negeri saperangan wektu, dheweke metu saperlu bisnis swasta. Dheweke ngedegake PT. Samudera Indonesia, perusahaan pelayaran gedhe kang ngwasani distribusi barang sa-Indonesia. Sawise ekspansi ing saperangan bidang usaha, ing taun 1986 dheweke kacathet mimpin 21 perusahaan.^[2]

Dheweke dikenal minangka sawijining pengusaha Indonesia kanthi jejuluk Raja Kapal amarga perusahaan pelayarane dadi perusahaan garda paling ngarep ing Indonesia. Ing taun 2006, jenenge mlebu ing "Daftar 40 orang terkaya di Indonesia (2006)" saka Majalah Forbes.^[3]

Ing mangsa tuwane dheweke dikenal minangka filantropis lan akeh sesambungan lan mbantu aktivis pergerakan, politisi, lan akademisi.

Soedarpo kawin karo Minarsih Wiranatakusumah lan duweni anak telu.